摯愛中年 :: 摯愛新聞 :: hearsay >>新聞報導

本新聞已被瀏覽  次 

擬接受捐精!王曼喜想做媽咪爭取同志平權

2018-07-21.23:55:22
 


▲同志婚姻合法呢條路好難行。 圖/東網

〔2018-07-20 東網 報導〕 星二代王曼喜(Kayla)早已出櫃公開同志身份,她揚言夢想在港與同性結婚,並考慮透過領養及接受捐精生小孩組織完美家庭。

王敏德與馬詩慧女兒Kayla創立的環保時尚品牌Basics for Basics,為響應6月在美國發起的同志驕傲月,特別推出True Colors Campaign,邀請十位女同志表達平權期望,又與年輕韓國藝術家Estelle K. Tcha合作推出兩款限量T-shirt,為LGBT發聲,Kayla說:「設計概念係大家都係人,都想去愛同被愛,會用同一種方式擁抱同親吻,係無分性別。」

她坦言爭取平權與其同志身份有關,因夢想擁有自己的家庭及小孩,若香港不承認同性婚姻就無法做到:「我有諗過接受捐精或者收養小朋友,但都要由結婚開始,如果我同另一半嘅婚姻不被承認,對方喺名義上唔係小朋友嘅父母,我都只係單親媽咪。當然可以去美國結婚,但香港係我嘅家,想喺自己地方擁有自己嘅嘢。」並稱若將來計劃做媽咪,會先考慮領養:「世界上咁多小朋友冇父母,可能會領養一個,自己生一個。」

媽咪憂路難行

Kayla希望與其他人分享經歷,因她比較幸運,出櫃得到家人支持:「後來畀記者影到,媽咪係一直陪住我去面對,畀大家知道做父母可以好正面。」又指跟父母坦承,自己亦考慮了一整年:「媽咪最初都好難接受,大家鬧咗場交,我話你身邊咁多同性戀朋友,點解到自己個女就咁難?佢話唔一樣,佢希望見到我結婚生仔,有個完美家庭,又怕我條路好辛苦,後來佢明白到完美家庭唔一定係一男一女組成,只要個女開心就已經足夠。我冇直接同爸爸講,係媽咪同爸爸講,爸爸只係問我係咪有人影響,怕我受過傷害而變成咁。」

伴侶唔慣曝光

雖已公開出櫃,但Kayla與另一半出街依然惹人側目:「大家會好好奇,未必係唔好嘅眼光,但會覺得你唔正常。最初畀人影到,會好影響兩個人嘅關係,對方唔係娛樂圈會唔習慣,大家要攞個平衡去啲人少、靜啲嘅地方。」至於喜歡的類型?她笑言沒特定,但發現好動、有幽默感及上進的人最吸引她。


▲Kayla希望做媽咪,但係所有嘢都要由結婚開始。


▲掙扎一整年才向父母坦白性取向,王曼喜幸得家人無限支持。

【資料來源:東網

相關新聞:

關閉視窗】【回上一頁
© 摯愛中年.